Ke Asapkoyan2u

30 November 2012

SAH PKR LETAKAN CALON BARU DI HULU REJANG!!

 
Photo: PKR ngining penuduk ba sitak parlimen Kapit

Posted on November 28, 2012, Wednesday

KAPIT: Parti Keadilan Rakyat (PKR) pampang Kapit deka ngengkahka chalun ba sitak parlimen Kapit maya Pengawa Bepilih Besai ti Ke-13 (PRU13) tu ila.

Dua iti nama udah dipesetujuka dalam aum pampang nya malam ensanus, ngambika dipilih sereta dikemendar napi pengawa bepilih maya PRU13 tu ila.

“Taja pia, kami enggai mantaika dulu sapa chalun ti udah dipesetujuka kami, laban pemutus ke bendar bepanggai ba ketuai parti,”  ku Frankie Bedindang Manjah ke mega chairman pampang parti sitak P216 Hulu Rajang dalam aum pengarang berita, pengudah aum parti pampang Kapit enggau Hulu Rajang ke digulu raban enggau penyukung parti nya.

Nitih penerang ke didinga, kededua pampang nya udah sepenemu milih Edward Sumbang enggau Kennedy Paing. Edward ari Lepong 2, Jalai Selirik, seiku pengajar ke udah pinchin sereta ngembuan degree ba ‘TESL (Teaching English as Second Language). Iya kala bediri ba pengawa Bepilih Menua kena 26 April  2011 ba sitak Pelagus betapi enggau chalun ari BN PRS, Stanley Nyitar sereta chalun ngatika diri George Lagong. Maya nya Edward semina teulihka lebih 1,300 undi aja.

Seiku agi chalun ti dipesetujuka sida iya nya Kennedy Paing ari Sungai Katibas Song, seiku profesyenal ke gawa ba Industri Minyak enggau Gis di Bintulu.

Barang sapa ke dipilih PKR, deka betapi enggau chalun ari BN ke mega kaban parlimen ke diatu, Datuk Alexander Nanta Linggi ti udah nyadi pengari rayat ba sitak parlimen Kapit kenyau ari taun 1995.

Berebak enggau nya, Frankie madahka diri enda lantang ati enggau perintah menua Sarawak ke deka ngaga tekat hidroelektyerik (HEP) ba Batang Baleh.

“Diatu sida ngaga HEP di Murum lalu ditangkanka enggau HEP Baleh. Nama kebuah perintah ngaga sebuah agi HEP enti Bakun ulih ngasilka karan ke chukup dikena ba menua tu dalam kandang 20 nyentuk ke 30 taun dudi tu ila? Nama kebuah kitai enda tau enda ngerusak rampa menua ke manah, ti udah diberi petara ngagai kitai tu?

“Enti nitihka, peranak menua patut diterangka enggau silik senentang pekara tu. Aku ke nyadi chairman PKR Hulu Rajang, amat ngemeratka pekara bekaul enggau rampa menua sereta penguntung enggau pengerugi ketegal HEP tu, laban pengelenyau pesaka menua enggau kelai pengingat baka ‘batu rumah’ sereta ai wong tu bekaul enggau komuniti ditu.

“Kami minta perintah silik sereta lurus agi nerang lebih agi enti sida deka ngaga projek ke besai. Kelimpah ari nya, pampas tanah ke dipinta enggau sekim palan berumah baru ungkup orang ke kena projek nya mega enda tau enda diatur enggau manah agi ”, ku iya.

Lebuh ngenang pasal batu enggau pasir, Frankie madahka, “PKR nemu pasal pengurang batu karangan di Kapit, ti ngujungka rega rumah majak mar di Kapit. Pekara tu enda patut nyadi di Kapit laban mayuh endar batu ba sepemanjai batang ai tu. Nya alai, anang semina LCDA (Land Custody and Development Authority) ke tau ngulihka batu nya. Orang bukai ti begunaka batu patut dikemeratka dulu ngulihka batu nya kena nyeliahka pengurang nya nyadi ”.

Bela bisi ngulu aum nya chairman PKR Pampang Kapit, Edward Sumbang, sapit chairman, Ribi Rayang, sapit sekretari, Kennedy Paing, Pemesai Bagi Penabur, Jassie Jimbun, Sapit Tukang Wang Menua, Mengga Mikui, chairman  pampang Bintulu, Paul Rajah enggau kaban parti nya ke bukai.
 PKR ngining penuduk ba sitak parlimen Kapit

KAPIT: Parti Keadilan Rakyat (PKR) pampang Kapit deka ngengkahka chalun ba sitak parlimen Kapit maya Pengawa Bepilih Besai ti Ke-13 (PRU13) tu ila.
Dua iti nama udah dipesetujuka dalam aum pampang nya malam ensanus, ngambika dipilih sereta dikemendar napi pengawa bepilih maya PRU13 tu ila.

“Taja pia, kami enggai mantaika dulu sapa chalun ti udah dipesetujuka kami, laban pemutus ke bendar bepanggai ba ketuai parti,” ku Frankie Bedindang Manjah ke mega chairman pampang parti sitak P216 Hulu Rajang dalam aum pengarang berita, pengudah aum parti pampang Kapit enggau Hulu Rajang ke digulu raban enggau penyukung parti nya.

Nitih penerang ke didinga, kededua pampang nya udah sepenemu milih Edward Sumbang enggau Kennedy Paing. Edward ari Lepong 2, Jalai Selirik, seiku pengajar ke udah pinchin sereta ngembuan degree ba ‘TESL (Teaching English as Second Language). Iya kala bediri ba pengawa Bepilih Menua kena 26 April 2011 ba sitak Pelagus betapi enggau chalun ari BN PRS, Stanley Nyitar sereta chalun ngatika diri George Lagong. Maya nya Edward semina teulihka lebih 1,300 undi aja.

Seiku agi chalun ti dipesetujuka sida iya nya Kennedy Paing ari Sungai Katibas Song, seiku profesyenal ke gawa ba Industri Minyak enggau Gis di Bintulu.

Barang sapa ke dipilih PKR, deka betapi enggau chalun ari BN ke mega kaban parlimen ke diatu, Datuk Alexander Nanta Linggi ti udah nyadi pengari rayat ba sitak parlimen Kapit kenyau ari taun 1995.

Berebak enggau nya, Frankie madahka diri enda lantang ati enggau perintah menua Sarawak ke deka ngaga tekat hidroelektyerik (HEP) ba Batang Baleh.

“Diatu sida ngaga HEP di Murum lalu ditangkanka enggau HEP Baleh. Nama kebuah perintah ngaga sebuah agi HEP enti Bakun ulih ngasilka karan ke chukup dikena ba menua tu dalam kandang 20 nyentuk ke 30 taun dudi tu ila? Nama kebuah kitai enda tau enda ngerusak rampa menua ke manah, ti udah diberi petara ngagai kitai tu?

“Enti nitihka, peranak menua patut diterangka enggau silik senentang pekara tu. Aku ke nyadi chairman PKR Hulu Rajang, amat ngemeratka pekara bekaul enggau rampa menua sereta penguntung enggau pengerugi ketegal HEP tu, laban pengelenyau pesaka menua enggau kelai pengingat baka ‘batu rumah’ sereta ai wong tu bekaul enggau komuniti ditu.

“Kami minta perintah silik sereta lurus agi nerang lebih agi enti sida deka ngaga projek ke besai. Kelimpah ari nya, pampas tanah ke dipinta enggau sekim palan berumah baru ungkup orang ke kena projek nya mega enda tau enda diatur enggau manah agi ”, ku iya.

Lebuh ngenang pasal batu enggau pasir, Frankie madahka, “PKR nemu pasal pengurang batu karangan di Kapit, ti ngujungka rega rumah majak mar di Kapit. Pekara tu enda patut nyadi di Kapit laban mayuh endar batu ba sepemanjai batang ai tu. Nya alai, anang semina LCDA (Land Custody and Development Authority) ke tau ngulihka batu nya. Orang bukai ti begunaka batu patut dikemeratka dulu ngulihka batu nya kena nyeliahka pengurang nya nyadi ”.

Bela bisi ngulu aum nya chairman PKR Pampang Kapit, Edward Sumbang, sapit chairman, Ribi Rayang, sapit sekretari, Kennedy Paing, Pemesai Bagi Penabur, Jassie Jimbun, Sapit Tukang Wang Menua, Mengga Mikui, chairman pampang Bintulu, Paul Rajah enggau kaban parti nya ke bukai.

Tiada ulasan:

Catat Komen

ulasan anda

Related Posts Plugin for WordPress, Blogger...